HAZARD KUKOSA MECHI ZA MWANZO ZA MSIMU UJAO WA LIGI YA PREMIA.

            

Kiungo mshambuliaji  wa Chelsea Eden Hazard  mwenye umri wa miaka 26 atakosa kucheza mechi za mwanzo wa msimu ujao wa ligi ya Premia zitakazo anza mnamo 12 Agosti  baada ya kufanyiwa  upasuaji wa  mfupa wa kifungo cha mguu wa kulia.

Hazard aliumia mguu huo wakati akifanya  mazoezi akiwa na timu ya taifa ya Ubelgiji siku ya jumapili.

Hazard pia atakosa mechi za kabla ya msimu dhidi ya Arsenal,Bayern Munich na Inter Milan zinazotarajia kufanyika nchini Singapore kati ya tarehe 22-29 julai na mechi ya ngao ya jamii dhidi ya Arsenal  mnamo tarehe 6 Agosti.

Chelsea wamesema kuwa upasuaji  huo uliofanyika siku ya jumatatu ulienda vyema na anatarajia kukaa kwa miezi mitatu kabla ya kuanza kufanya mazoezi.

Hazard aliwasaidia sana Chelsea kushinda Ligi ya Premia msimu uliomalizika majuzi ambapo aliwafungia mabao 16 katika mechi 36.