CHINA KUFANYA SHEREHE YA KULA NYAMA YA MBWA

Sherehe ya kula nyama ya mbwa iliogubikwa na utata katika mji wa Yullin nchini China ambayo hufanyika kia mwaka mkoa wa Guangxi  imeanza licha ya ripoti za awali zilisema  kwamba ilikuwa imepigwa marufuku mwaka huu.

Mapema mwaka huu ,wanaharakati walidai kwamba wafanyibiashara waliagizwa na mamlaka kutouza nyama ya mbwa lakini wamiliki wa viwanda vinavyouza nyama hiyo walisema kuwa hawajasikia lolote kuhusu hatua hiyo kutoka kwa maafisa hao.

Mnamo tarehe 15 mwezi Mei, maafisa wa mji walithibitisha kwamba hakuna marufuku yoyote huku Siku ya Jumatano, ripoti kutoka Yullin zilisema kuwa mbwa waliokufa walionekana wakiwa wametundikwa katika ndoano za nyama katika vibanda ndani ya soko la Dongkou ambalo ndio kubwa mjini humo.

Mwanaharakati mmoja alise kwamba alikatazwa na maafisa wa polisi kuingia katika soko la Dashichang ambapo inaaminika mbwa walikuwa wanauzwa.

Katika sherehe za miaka ya nyuma kumekuwa na mzozo kati ya wauzaji nyama ya mbwa na wanaharakati waliojaribu kuwaokoa mbwa waliopangiwa kuchinjwa.